Projet co-financé par le Fonds Européen de Développement Régional (FEDER)

Eskola Futura Etudiant Contact Projet

Escola
Futura

Sus un territòri larg que s’espandís de la còsta atlantica a las rivas septentrionalas de la Mediterrània, l’ensenhament de la lenga occitana es en progression constanta gràcia al desvolopament de classas bilinguas francés/occitan per las qualas es uèi necessari de recrutar un mai grand nombre de professors/as.

Ensenhar dins aquelas classas exigís una mestresa de las doas lengas francesa e occitana, validada pels concorses de recrutament als quals los estudiant/as se i presentan pas pro nombroses, Malgrat un nombre de pòstes important a provesir (una cinquantena per an sus l’airal occitan per las escòlas del primièr gra).

Ambe l’Ofici public de la lenga occitana e las Universitats concernidas, l’Euroregion Novèla-Aquitània Euskadi Navarra prepausa als estudiants/as un novèl dispositiu d’acompanhament que permet d’accedir a las formacions e concorses necessaris per ensenhar dins las escòlas bilinguas francés/occitan

L’Euregegion Novèla-Aquitània Euskadi Navarra prepausa als estudiants/as un novèl dispositiu d’acompanhament que permet d’accedir a las formacions e als concorses requesits per ensenhar dins las escòlas bilinguas francés /basc e francés/occitan : ESKOLA FUTURA/ESCÒLA FUTURA.

Una formacion linguistica intensiva en basc o en occitan que vos permetrà d’aquesir lo nivèl de lenga necessari per capitar las espròvas e una ajuda financièra que vos libèra dels laguis materials pendent tota la durada de la formacion.